SMS JOKES

Ye mojezaa bhii muhabbat kabhii dikhaaye mujhe
ke sang tujh pe gire aur zaKhm aaye mujhe

vo mehrbaaN hai to iqraar kyuuN nahiiN karti
vo badgumaaN hai to sau baar aazmaaye mujhe

maiN apne paaNv tale rauNdataa huuN saaye ko
badan meraa hii sahii do-pahar na bhaaye mujhe

maiN ghar se terii tamannaa pahan ke jab nikluuN
barahnaa shehar meiN ko?ii nazar na aaye mujhe

vo meraa dost hai saare jahaaN ko hai maaluum
daGhaa kare vo kisii se to sharm aaye mujhe

maiN apanii zaat meiN niilaam ho rahaa huuN
Gham-e-hayaat se keh do Khariid laaye mujhe...