SMS JOKES

maikadaa thaa chaaNdanii thii main na thaa
ik mujassam beKhudii thii main na thaa

ishq jab dam tortaa thaa tum na the
maut jab sar dhun rahii thii main na thaa

tuur par chheraa thaa jis ne aap ko
vo merii diivaangii thii main na thaa

maikade ke morr par ruktii hu_ii
muddaton kii tashnagii thii main na thaa

main aur us Gunchaadahan kii aarzuu
aarazuu kii sadagii thii main na thaa

gesuuon ke saaye mein aaraam-kash
sar-barahanaa zindagii thii main na thaa

dair-o-kaabaa mein Adam hairat-farosh
do jahaaN kii badzanii thii maiin na thaa